Óskarinn – besta erlenda myndin

Nú líður að því að velja framlag Íslands til Óskarsverðlaunanna 2015. Íslenskar kvikmyndir sem frumsýndar eru á bilinu 1. október 2013 til 30. september 2014 koma til greina í valið á bestu erlendu myndinni, auk þess sem framleiðendur myndanna samþykkja að þær séu undir í þessu vali. Þær myndir sem akademíumeðlimir kjósa um í ár eru í stafrósröð:

• Harry & Heimir: Morð eru til alls fyrst
  Leikstjóri: Bragi Þór Hinriksson
  Handrit: Sigurður Sigurjónsson | Örn Árnason | Karl Ágúst Úlfsson
  Framleiðandi: Skúli Malmquist – Zik Zak Kvikmyndir
• Málmhaus
  Leikstjóri: Ragnar Bragason
  Handrit: Ragnar Bragason
  Framleiðendur: Árni Fillippusson og Davíð Óskar Ólafsson – Mystery Ísland ehf.
• París norðursins
  Leikstjóri: Hafsteinn Gunnar Sigurðsson
  Handrit: Huldar Breiðfjörð
  Framleiðendur: Sindri Páll Kjartansson | Thor Sigurjonsson – Kjartansson og Zik Zak Kvikmyndir
• Vonarstræti
  Leikstjóri: Baldvin Zophoníasson
  Handrit: Birgir Örn Steinarsson | Baldvin Zophoníasson
  Framleiðendur: Júlíus Kemp | Ingvar Þórðarson – Kvikmyndafélag Íslands ehf. 

Eins og fyrri ár eru það meðlimir íslensku kvikmynda- og sjónvarpsakademíunnar, ÍKSA, sem kjósa um íslenska framlagið. Kosningin er rafræn og fer fram dagana 12.-22. september.

Þeir félagsmenn í ÍKSA sem þegar hafa greitt félagsgjöldin fyrir árið 2014 eða munu greiða félagsgjöldin fyrir 10. september næstkomandi, eru á kjörskrá og fá senda rafræna kjörseðla á netfangið sitt. Athugið að greiðsluseðlar fyrir félagsgjöldum ÍKSA voru sendir í heimabanka allra félagsmanna í byrjun árs með eindaga 10. september.

Vinsamlegast munið eftir því að láta ÍKSA vita ef þið skiptið um netfang svo hægt sé að senda ykkur viðeigandi upplýsingar og kjörseðla. Við hvetjum fólk til að skrá sín persónulegu netföng hjá okkur fremur en vinnunetföng sem vilja breytast ört. Allar upplýsingar um breytt netföng skal senda á eddan@eddan.is