Eddan 2021 – Tilkynning frá stjórn ÍKSA

Stjórn ÍKSA hefur afráðið að Edduverðlaunin 2021 verði veitt með haustinu með það að markmiði að halda hefðbundna Edduhátíð.

Þegar nær dregur verður tilkynnt um útfærslu á verðlaunaafhendingunni og sjónvarpsútsendingu í tengslum við hana.

Tilkynnt var um tilnefningar til Edduverðlaunanna þann 26. mars síðastliðinn. Netvarp Eddunnar mun opna fyrir akademíumeðlimi þriðjudaginn 20. apríl. Akademíumeðlimir geta kosið á tímabilinu 27. apríl – 4. maí 2021.

Niðurstöður kosninga verða ekki gerðar opinberar fyrr en við afhendingu verðlaunanna í haust.