Opnað hefur verið fyrir innsendingar fyrir Edduna 2020
Búið er að opna fyrir innsendingar á kvikmyndum- og sjónvarpsverkum fyrir Edduna 2020. Gjaldgeng eru verk, frumsýnd opinberlega á tímabilinu 1. janúar til 31. desember 2019. Sjá nánar um innsendingarreglur hér.
Innsendingarferlið er að fullu rafrænt á sérstakri Innsendingarsíðu Eddunnar. Framleiðslufyrirtæki fylla þar út allar upplýsingar um viðeigandi verk, greiða innsendingargjald og hlaða verkum upp til ÍKSA
Á fagráðsfundi Eddunnar var tekin ákvörðun að bæta við verðlaunaflokki, Íþróttaefni ársins.
Gjald fyrir innsent verk í einn af aðalflokkum Eddunar er kr 25.000 kr og innsending í fagverðlaunaflokk kostar kr 5.000 (verð eru án vsk).
Frestur til að senda inn verk rennur út á miðnætti þriðjudaginn 21. janúar, 2020 og strax í kjölfarið hefja valnefndir Eddunnar störf.
Sjá nánar um reglur Eddunnar hér.
Bestu kveðjur
Auður Elísabet Jóhannsdóttir
Framkvæmdastjóri ÍKSA