Tilnefningar Eddunnar

Íslenska kvikmynda- og sjónvarpsakademían boðar til blaðamannafundar á morgun, föstudaginn 3. febrúar kl. 14:00, í Bíó Paradís, Hverfisgötu 54. Á fundinum verður opinberað hverjir eru tilnefndir til Edduverðlaunanna 2012. Viðstaddir verða fulltrúar frá innsendum verkum. Edduverðlaunahátíðin sjálf fer fram í Gamla bíói laugardaginn 18. febrúar og verður sjónvarpað beint og í opinni dagskrá á Stöð 2. Þar verða veitt verðlaun í alls 24 flokkum.